Երկիր մոլորակից վերջին 30 տարիներին կորզվել է այնքան բնական ռեսուրս, որքան դրան նախորդող 5000 տարիների ընթացքում։ Սերժ Սարգսյանի կառավարման 10 տարիները լավ ժամանակահատված դարձան ձեռներեցների համար՝ ՀԷԿեր կառուցելու և հանքեր շահագործելո։ ՀԷԿերը դարձան գումար աշխատելու մեքենա. սպառելով և չորացնելով սակավաջուր գետերը՝ լցվում էին մի քանի գրպաններ։ Պետությունը չահազանգեց և չպատժեց։ 10 տարիների ընթացքում ունեցանք 2 հանքավայրի շահագործում՝ Թեղուտի և Ամուլսարի։ Առաջին հանքի շահագործումը դադարեց ժամանակից շուտ, քանի որ ֆինանս ներդնող երկիրը հասկացավ, որ ոտնատակ են տրվում բոլոր բնապահպանական նորմերն ու կանոնները։ Արդյունքում հանքը աշխարհին թողեց մեծ ժառանգություն՝ լքված հանքավայր, մեծ պոչամբար, թունավոր օդ,հող և 1200 գործազուրկ մասնագետ։ Երկրորդ հանքը՝ Ամուլսարը, սկսելու է ակտիվ շահագործվել այս տարվա ամռանից։ Նախկին կառավարության դերը մեծ էր. բազում օրենքների փոփոխություն, սուտ հետազոտություններ, ոչ մի ահազանգ և, անգամ ,բաժնեմասի ձեռք բերում։ Նայելով 2012 թվականի կուսակցությունների քարոզարշավների բնապահպանությանը վերաբերվող հատվածներին՝ հասկանում ենք,որ դա թեմա էր, որի մասին գրեթե պատկերացում չունեին իշխանական մարմիններն ու հավանական իշխանությունները. մի բան էր կրկնվում՝ բնությունը մեր տունն է։
Ցավն այն է, որ պետությունն ու մարդը պատրաստ են գործել միմիայն բնության ահազանգից հետո։ Մեր երկրին հարկավոր են մասնագետներ, որոնք կկանխատեսեն աճող աղետը և իրենց ներուժը կդնեն՝ կանխարգելելու սպասվածը։ Մեզ պետք չէ իշխանություն, որը ամեն ինչ կներդնի քայքայելու և հարստանալու համար։ Հայաստանը հարուստ է և՛ բնական, և՛ ինտելեկտուալ ռեսուրսներով։ Հարկավոր է ինտելեկտուալը ներդնել՝ բնականը պահպանելուն և չափավոր օգտագործելուն՝ ի շահ պետությանն ուքաղաքացուն։
Թեղուտի հանքավայրը...
Թեղուտի հանքավայրի շահագործումը Հայաստանին խոստանում էր մեծ եկամուտներ, հազարից ավելի աշխատատեղի և տնտեսության զարգացում։ Դանյական կողմից ֆինանսավորումը մեծ հույսեր էին ներշնչում «Վալլեքս» ընկերությանը, սակայն 2017 թվականին ներդրումները դադարեցին և հանքը դադարեց շահագործվել. 1200 ավելի քաղաքացիներ մնացին առանց աշխատատեղի։ Առաջացած պոչամբարը երկրի համար դարձել է պատուհաս. ազդում է բնության կանանոնավոր զարգացմանը, թունավորում է հողը, աղտոտում օթն ու խմելու ջուրը։ Իշխանություններն աչք են փակում կատարվածի վրա, չեն գործում օրենքի խստությամբ, չեն վերահսկում իրավիճակը։ Դանյական կողմը հասկանալով, որ շահագործումը չի տեղավորվում ոչ մի նախասահմանված օրենսդրական կարքերի մեջ՝ դադարեցրեցին ֆինանսավորումը և հանքը մնաց ամայի։
No comments:
Post a Comment