Յ կիսաձայնը միանում է որևէ ձայնավորի և երկհնչյուն կազմում: Հայերենի երկհնչյուններն են՝
- այ- հայր, մայր, գայլ
- յա- մատյան, կյանք, ոսկյա
- ույ- լույս, բույն, գույն
- յու-բյուր, առյուծ
- ոյ- խոյ, գոյ
- յո-յոթ, յոդ
- եյ- թեյ, Սերգեյ
- յի- տնային, խաղայի:
Երկհնչյուն է նաև ե-ն, որը բառասկզբում և ձայնավորից հետո՝ բառամիջում, արտասանվում է յէ, օրինակ՝ եղբայր, ամենաերկարակյաց:
Եթե յ-ն երկու ձայնավորների միջև է գտնվում, այն երկհնչյուն է կազմում իրենից հետո եկող ձայնավորի հետ: Օրինակ՝ կարդայի բառում երկհնչյուն է ոչ թե այ-ը, այլ յի-ն:
Առաջադրանքներ՝
- Տրված բառերը խմբավորիր ըստ նույն երկհնչյունի:
Յա- Մարմարյա, պաշտոնյա, նյարդ, կյանք, գործունյա,
Այ- հորեղբայր, քաղաքամայր, հայելազարդ,
Յու- գյուտ, նյութ, հյուրասիրություն, մակույկ, հնչյուն,
Ույ- շագանակագույն
Յո- յոթանասուն, արդյոք
Ե- տեսաերիզ
- Կազմիր բառեր:
ակն+բույժ=Ակնաբույժ
անասուն+բույծ=Անասնաբույծ
մարդ+խույս=մարդախույս
բազում+ճյուղ=Բազմաճյուղ
բյուր+ակն=Բյուրակն
սյուն+շար=Սյունաշար
- Գտիր տրված բառերի հոմանիշները:
կոտոշ (պոզ)-Եղջյուր
իրար-Միմյանց
հոտ-բույր
երկնագույն- ծավի, բիլ, կապույտ
- Ընտրիր և լրացրու համապատասխան բառը՝ բյուր, սույն, սյուն, բույր:
Սույն թվի ապրիլ ամսին մասնակցեցինք օլիմպիադայի:
Տաճարի մեկ սյունը դեռևս կանգուն էր:
Ծաղիկների բույրը լցրել էր սենյակը:
Արագածը բյուր աղբյուրների լեռ է:
- Արտագրիր և լրացրու երկհնչյունները՝ այ, յա, յու, յե:
Սուրբ Մեսրոպ Մաշտոցի աշակերտը՝ Կորյունը, գրել է իր ուսուցչի կյանքի պատմությունը: Մեսրոպ Մաշտոցը ծնվել է Տարոնի Հացեկաց գյուղում: Նրա հայրը Վարդանն էր, իսկ մոր մասին տեղեկություններ չկան:
Մեսրոպը կրթություն ստացել է հունական դպրոցում: Հետո շրջել է Հայաստանով մեկ, ժողովրդի համար կարդացել է Աստվածաշունչ մատյանը և թարգմանել հայերեն: Նա հասկացել է, որ հայը պիտի իր գիրն ունենա, կարդա և գրի մայրենի լեզվով:
No comments:
Post a Comment