Հեռավար ուսուցում. առաջադրանքներ Հայոց լեզվից

1. Ավելորդ բառերը գրի՛ր և նախադասություններն ուղղի՛ր:

1.       Հավանաբար հաջողությամբ կպսակվի նախարարի այս նոր ձեռնարկը երևի:

Հավանաբար հաջողությամբ կպսակվի նախարարի այս նոր ձեռնարկը:

2.       Սրա հիման վրա կլինի հիմքը:
Սրա վրա կլինի հիմքը:

3.       Մի հատ լուրջ հակաճառություն ունեմ:
Մի լուրջ հակաճառություն ունեմ:

4.       Դուք չափազանցնում եք վտանգը:
Դուք չափազանցնում եք վտանգը:

5.       Խոսքը գնում է նրա մասին:
Խոսքը նրա մասին է:

6.       Ի՞նչ բան է հարբուխը:
Ի՞նչ է հարբուխը:

7.       Ի՞նչ բան են մթնոլորտային ճակատները:
Ի՞նչ  են մթնոլորտային ճակատները:

8.       Հաճելի տեսք չի թողում
Հաճելի տեսք չունի:

9.       Հեռախոսը դա շքեղություն չէ:
Հեռախոսը շքեղություն չէ:

10.   Դու անպայման մեծ հաջողության կհասնես երևի:
Դու անպայման մեծ հաջողության կհասնես:

2.    Արտագրե՛լ՝ ըստ անհրաժեշտության լրացնելով բաց
թողած տառերը (նաև կրկնակ)։

Քարի մշակման վարպետությունը միջնադարյան Հայաստանում առավել հարուստ ձևով է արտահայտվել խաչքարերի արվեստում։ Պահպանելով կանոնի վերածված կառուցվածքը՝ խաչքարերի հարդարանքի մեջ, տասնմեկերորդ դարից սկսած, գերիշխող են դառնում երկրաչափական-գծային ու բուսական բարդ հյուսվածքավոր զարդանախշերը։ Ընդ որում, բեկվող գիծը, ստեղծելով երկրաչափական կոնկրետ պատկեր, չի ընդհատվում նույնիսկ այն դեպքում, երբ դադարում է ուղղաձիգ լինելուց և ներփակվում մի այլ  երկրաչափական ձևի մեջ (շրջանակ, քառանկյունի)։ Դրանց օրինաչափ հաջորդականությունն ու շաղկապվածությունը, ստեղծելով որոշակի ռիթմ, եզրագծում են խաչքարը։ Գծային հյուսվածքը թվում է անսկիզբ-անվերջ, իր շարժման ընթացքի մեջ փոխակերպվում մի ձևից մյուսը՝ չսահմանագծելով սկիզբն ու ավարտը։ Այս պարագայում զարդապատկերը իր անընդմեջ հյուսվածքի շնորհիվ դառնում է անսահմանության ու հավերժականության գաղափարի արտահայտություն։